Busnes Cymdeithasol Cymru – busnesau newydd
Wedi’ch ysbrydoli i wneud gwahaniaeth i’n pobl neu ein planed? Siaradwch â’n tîm o arbenigwyr dechrau newydd yn Busnes Cymdeithasol Cymru.
Dechrau busnes cymdeithasol
Os ydych chi’n ystyried sefydlu busnes sy’n gwneud elw er achos da, gall ein cynghorwyr arbenigol eich helpu i ddechrau arni. Er mwyn i’ch busnes newydd ffynnu, bydd angen i chi adeiladu sylfeini cryf. Gall ein tîm gynnig cymorth busnes un i un i’ch helpu i roi popeth yn ei le. Dechreuwch arni gyda’n help cyn cychwyn:
- Darllenwch ein 10 prif gwestiwn i weld a ydych chi’n barod am gymorth
- Ymunwch ag un o’n sesiynau Holi ac Ateb cyfeillgar, rheolaidd
- Rydych chi’n barod i drafod eich syniad busnes – cysylltwch â ni i gysylltu â’ch cynghorydd
Rydym ni’n dîm o gynghorwyr busnes arbenigol sy’n helpu i sefydlu mentrau cymdeithasol newydd. Rydym ni wedi bod yn cynghori mentrau cymdeithasol ers 1982 ac, yn ystod y cyfnod hwnnw, rydym wedi helpu i sefydlu cannoedd o fusnesau newydd sydd wedi gweithio i gyflawni newid cadarnhaol yn eu cymuned a thu hwnt.
Ariennir rhaglen Busnes Cymdeithasol Cymru trwy Lywodraeth Cymru ac fe’i cyflwynir gan gonsortiwm dan arweiniad Cwmpas i ddarparu cymorth arbenigol gyda CYD Cymru/DTA Wales, Cwmnïau Cymdeithasol Cymru/Social Firms Wales, Unlimited a Chyngor Gweithredu Gwirfoddol Cymru.
Gall dechrau busnes fod yn heriol, ond gallwn eich arwain chi ar sut i wneud y dechrau gorau i’ch busnes cymdeithasol, gyda mynediad at ein hamrywiaeth eang o arbenigedd. Ariennir ein cymorth yn llawn, sy’n golygu eich bod chi’n cael arweiniad rhad ac am ddim bob cam o’r ffordd, wrth i’ch busnes dyfu
Sut y gallwn eich helpu?
Gallwn weithio gyda’ch grŵp i sicrhau bod yna weledigaeth a rennir ar gyfer y busnes, a’ch helpu i ddewis y strwythur cyfreithiol iawn ar gyfer eich busnes newydd
Gallwn eich helpu i ddatblygu strategaeth fuddsoddi, eich cynghori ar grantiau, benthyciadau, cyllid torfol a chyfranddaliadau cymunedol, a darparu hyfforddiant i’ch cyfarwyddwyr fel bod ganddynt hyder yn eu rolau a’u cyfrifoldebau
Gallwn helpu i ysgrifennu eich dogfen lywodraethu ac i gorffori eich busnes. Gallwn hefyd eich helpu i greu polisïau i sicrhau bod eich sefydliad yn cael ei redeg yn dda
Gallwn eich helpu i sefydlu system lywodraethu ac i ymgysylltu â darpar aelodau o’r bwrdd
Gallwn eich cefnogi i nodi unrhyw faterion o ran cydymffurfedd neu risgiau a allai fod gan y busnes a sut y gellid eu rheoli
Gallwn eich helpu i agor cyfrif banc ar gyfer eich menter newydd
“Dwi’n gallu dweud o waelod fy nghalon bod Joanne wedi bod yn wych gyda mi. Roeddwn i’n gwbl ddi-glem o ran dechrau busnes. Bob tro roeddwn yn dechrau meddwl fy mod yn gwneud y peth anghywir, roedd Jo yno yn gwneud i mi sylweddoli pam fy mod wedi rhoi fy mryd ar wneud hyn a’r gwahaniaeth rydw i’n ei wneud.”
“Diolch o galon am y cymorth amhrisiadwy a ddarparwyd gan Busnes Cymdeithasol Cymru wrth sefydlu ein Cwmni Buddiannau Cymunedol, AMATHAON – fel y gwyddoch, roeddwn i’n hitio fy mhen yn erbyn wal! Roeddech chi a’ch cydweithwyr yn ffynhonnell werthfawr i mi yn y dryswch sy’n gallu wynebu rhywun wrth ddechrau a gweinyddu busnes."
Wedi'ch ysbrydoli i wneud gwahaniaeth i'n pobl neu ein planed? Siaradwch â'n tîm o arbenigwyr dechrau newydd yn Busnes Cymdeithasol Cymru. I gael gwybod mwy am ein gwasanaethau, ffoniwch 0300 111 5050 neu e-bostiwch sbwenquiries@cwmpas.coop, neu lenwi ffurflen ymholiad.
Mae'r wefan hon yn darparu gwybodaeth dechnegol ar gyfer y rhai ohonoch sy'n ystyried dechrau neu weithredu busnes cymdeithasol. Mae busnesau cymdeithasol yn cynnwys mentrau cymdeithasol, cwmnïau cydweithredol, cwmnïau cydfuddiannol a busnesau sy'n eiddo i'r gweithwyr. Trwy ddefnyddio'r wybodaeth hon ochr yn ochr â chymorth gan ein cynghorwyr busnes arbenigol, byddwch ar y llwybr i lwyddiant mewn busnes cymdeithasol.
