Perthyn cwrdd â’n tîm
Samantha Edwards – Rheolwr Prosiect Perthyn
Hei! Sam ydw i, rydw i wedi gweithio i Cwmpas ers 3 blynedd ac ar brosiect Perthyn am y 2 flynedd ddiwethaf ac rydw i’n rheoli gweithrediadau o ddydd i ddydd y prosiect, rydw i fel arfer yn y cefndir, ond rydw i’n mwynhau’n arw pob cyfle i sgwrsio a chwrdd â chymunedau.
Mae fy mhrofiad a chefndir yn dod o amrywiaeth o sectorau o awdurdod lleol, addysg a’r sector iechyd a chymdeithasol. Rwy’n angerddol am ddatblygiad cymunedol a’r iaith Gymraeg, rhan gorau o fy rôl yw gweld y cynnydd mae aelodau’r gymuned yn ei wneud a’r effaith maent yn ei greu trwy ddatblygu eu syniadau gyda phrosiect Perthyn a chynllun grantiau bach Perthyn.
Tu allan o waith dwi’n hoff o ddarllen, coginio, a threulio amser gyda fy nheulu a’n ci, Tirion.
Kelly Thomas – Cydlynydd Gogledd Prosiect Perthyn
Fi yw Cydlynydd Prosiect Gogledd Cymru a fy rôl i yw cefnogi grwpiau a mentrau cymunedol i ddatblygu eu syniadau yn fentrau cymunedol. Rwy’n gweithio gyda grwpiau yn ystod y camau cynnar, asesu eu gofynion cymorth, rhannu arfer gorau a dod â’n tîm o arbenigwyr yn y gwahanol feysydd i gefnogi ar adegau priodol.
Mae gen i dros 20 mlynedd o brofiad o weithio gyda sefydliadau’r trydydd sector, ar lefel weithredol a strategol ledled Cymru, gan weithio’n arbennig ym maes datblygu busnes.
Ar lefel bersonol rwyf wrth fy modd yn bod yn anturus ac yn byw am deithio a threulio amser gyda theulu a ffrindiau. Rwyf hefyd yn mwynhau cerdded, dringo a beicio!
Osian Elis – Cydlynydd Gogledd Prosiect Perthyn
S’mai! Fi yw Cydlynydd Prosiect Perthyn yng Ngogledd Cymru, a dwi wedi lleoli ym Mhen Llyn. Rwyf wedi ymrwymo’n ddwfn i gefnogi pobl a chymunedau, a thrwy gydol fy ngyrfa, maent bob amser wedi bod wrth wraidd popeth wnaf.
Gyda 25 mlynedd o brofiad yn y sector tai a digartrefedd yng Nghymru, rwyf wedi gweithio’n helaeth ar lefelau gweithredol a strategol. Rwy’n angerddol dros yr iaith Gymraeg a’r diwylliant Cymreig, ac yn credu’n gryf ym mhwysigrwydd cadw ac amddiffyn y ddau ar gyfer cenedlaethau’r dyfodol.
Yn ogystal, mae gennyf ddiddordeb hir sefydlog mewn mentrau cymdeithasol, ac am y 18 mlynedd diwethaf, rwyf wedi gwasanaethu fel cyfarwyddwr Tafarn y Fic, y dafarn gydweithredol gymunedol hynaf yn y DU.
Jocelle Lovell – Cyfarwyddwr Cymunedau a Chynhwysiant
Shwmae. Rwy’n goruchwylio portffolio o waith gan gynnwys tai dai arweiniad y gymuned, cynhwysiant digidol, iechyd a gofal cymdeithasol a’r prosiect bach ond nerthol Perthyn.
Dechreuodd fy niddordeb mewn datblygiadau cymunedol pan oeddwn yn 21 oed, lle wnaethai cymryd dros dafarn bentref caeedig yn Sir Benfro. Daeth y dafarn yn galon i’r gymuned lle’r oedd croeso i bawb. Rwyf wedi gweithio yn y trydydd sector yng Nghymru ers 20 mlynedd yn cefnogi pobl a chymunedau i fynd i’r afael â materion allweddol sydd o bwys iddynt.
Pan nad ydw i’n gweithio fe fyddwch chi’n ffeindio fi allan yn crwydro gyda fy Labrador du, ‘Otter’, mae e’n nofio fel Dyfrgi! Rwy’n hoffi marchogaeth a hefyd yn fy amser hamdden yn ymgyrchu i wella llwybrau marchogaeth yn fy ardal leol.
Chloe Howell – Gweinyddwr Prosiect Perthyn
Haia! Rhan fawr o fy rôl yw gweithio tu ôl i’r llenni gan sicrhau bod y broses grantiau yn rhedeg yn esmwyth, hefyd rwy’n gweithio’n agos gyda’r grwpiau sydd wedi derbyn y grant yn ogystal â chadw popeth wedi’i drefnu ar gyfer prosiect Perthyn. Rwy’n credu bod grant Perthyn yn amhrisiadwy i’r cymunedau Cymraeg lleol. Mae gallu gweld y gwahaniaeth mae’r prosiect a’r grant hwn yn ei gael ar gymunedau Cymreig yn ysbrydoledig ac rwy’n falch o chwarae fy rhan fach yn creu newid er lles pawb.
Yn fy amser hamdden rwy’n hoffi aros yn actif a bod yn yr awyr agored gyda fy nghŵn, gwisgo i fyny a mynd am brydau neis gyda theulu a ffrindiau. Rwyf hefyd yn mwynhau coginio a phobi.
Cris Tomos – Cydlynydd De Orllewin Prosiect Perthyn
Helo, rwy’n gweithio i PLANED mewn partneriaeth â Cwmpas, yn darparu cefnogaeth ar gyfer syniadau cyfnod cynnar ar draws y De Orllewin. Gyda dros 30 mlynedd o brofiad, rydym yn helpu cymunedau lleol i gyflawni eu nodau.
