Mae’n cynnwys dau linyn::

• Rhaglen genedlaethol a gaffaelwyd

• Cyllid aml-flwyddyn gan Lywodraeth Cymru ar gyfer prosiectau grant a ddatblygwyd ac a ddarperir yn lleol.
  

Mae’r ddwy elfen yn cael eu rheoli a’u hariannu gan Lywodraeth Cymru.

Beth mae’r rhaglen yn ei gyflawni

Mae’r rhaglen wedi’i strwythuro o amgylch tri llinyn rhyng-gysylltiedig.

Gwasanaeth Cyngor a Chymorth Cenedlaethol

Pwynt cyswllt dwyieithog, canolog i sefydliadau a busnesau ledled Cymru, sy’n darparu cyngor, arweiniad a chymorth ymarferol rhagweithiol ac adweithiol i’w helpu i ddeall pam a sut mae angen iddynt ymgorffori cynhwysiant digidol mewn polisïau ac arferion. Mae hyn yn cynnwys:  

• Cyngor, arweiniad a chefnogaeth wedi’i deilwra i’r sefydliadau a’r busnesau

• Cefnogaeth i ymgorffori cynhwysiant digidol wrth ddylunio a chyflenwi cynnyrch

• offer, adnoddau a fframwaith hunanasesu sy’n cyd-fynd â’r MDLS

Mapio & Thystiolaeth 

Mapio cynhwysfawr o weithgareddau, darpariaeth a chyllid cynhwysiant digidol ledled Cymru er mwyn: 

• galluogi sefydliadau a busnesau i adnabod gweithgareddau, cymorth a chyllid perthnasol a chyfeirio pobl atynt

• adnabod bylchau ac atebion, nodi gorgyffwrdd a chyfleoedd ar gyfer cydweithredu

• gwella cydlynu cymorth cynhwysiant digidol ar lefel cenedlaethol

• darparu mewnwelediadau i gefnogi sefydliadau a busnesau i ystyried yr ymyriadau sydd eu hangen

• cyfrannu at adeiladu sylfaen dystiolaeth a rennir sydd wedi’i halinio â MDLS

Partneriaeth Gydweithredol (Cynghrair)

Cynghrair Cynhwysiant Digidol Cymru cenedlaethol, sy’n dod â’r sectorau preifat, cyhoeddus a’r trydydd sector at ei gilydd i rannu dysgu a sbarduno gweithredu ar y cyd ynghylch cynhwysiant digidol trwy:

• gweithgorau gan gynnwys grwpiau â phrofiad byw

• ymgysylltu rhanbarthol

• rhannu dysgu, gwybodaeth ac arfer da

• cyfleoedd i gyd-ddatblygu a darparu ymyriadau

• Y cyfan gyda ffocws ar gyflawni canlyniadau mesuradwy a newid o ganlyniad uniongyrchol i aelodaeth o’r Gynghrair

Ni fydd Rhaglen CDC yn darparu hyfforddiant i staff rheng flaen, gwirfoddolwyr nac yn uniongyrchol i bobl.

Pam mae’n bwysig

Mae’n hanfodol cael y cymhelliant, mynediad, sgiliau digidol sylfaenol a’r hyder i ymgysylltu â thechnoleg ddigidol yn y gymdeithas heddiw. Ond mae allgáu digidol yn parhau i effeithio ar gymunedau ledled Cymru. Bydd Rhaglen CDC yn helpu sefydliadau a busnesau i ddeall sut olwg sydd ar gynhwysiant digidol yn ymarferol, sut y gallant gyfrannu at nodau cenedlaethol, a sut y gall yr MDLS weithredu fel fframwaith i yrru gwelliannau ystyrlon, hirdymor, gan gydnabod bod hyn yn gofyn am gydweithrediad traws-sector.

Mae cynhwysiant digidol yn sail i uchelgais Llywodraeth Cymru i sicrhau nad oes unrhyw un yn cael ei adael ar ôl.